梁嘉琪感激森美提攜 小儀帶淚道別同事

陪伴聽眾16年的電台節目《早霸王》，隨着主持阮小儀和另一主持、前無綫藝人梁嘉琪將於月底離職，節目亦告壽終正寢。除網民大表不捨外，日前小儀跟其他主持陸續道別時，一度眼濕濕；至於加入節目兩年的梁嘉琪也社交網細訴離別之情。 她寫道：「估不到我不只是歷史見證者，仲係參與者，《早霸王》作為聽眾嘅精神早餐，我以前係享用嘅人，無諗過有一日可以成為有份煮早餐嘅人，多謝四方八面嘅聽眾、朋友你哋關心嘅留言，多謝你哋一直嘅鼓勵。」又望在節目餘下不足兩周的日子，觀眾亦繼續收聽，共同完成這歷史任務。 同時她又多謝同節目的森美的賞識，笑言：「大哥當年慌忙找人嘅時候，神志不清做咗呢個決定，等我可以成為學徒。」亦感激小儀令她學習到從未學過的工作，覺得兩位毫無保留的教導，令她獲益良多，助其茁壯成長：「由一個鑊鏟都唔識拎嘅人，依家可以成為小小嘅調味劑。」