香港即時娛樂新聞網
胡定欣叫阿媽出鏡費盡唇舌 有得飲1萬蚊花膠湯
來源 : 東方
更新 : 2025-10-20 19:04

無綫真人騷《家傳之「保」》最後一集,主角胡定欣偕激罕出鏡的胡媽媽齊亮相,定欣走入昔日爸爸媽媽努力打拚的海味舖,體驗父母當年的工作點滴。
定欣之前受訪時曾透露為了游說胡媽媽出鏡可謂費盡唇舌,而胡媽媽為滿意女兒要求亦最終答允,可見愛女心切。當資深店員「萬叔」向定欣展示胡媽媽當年拍下的「玉手與花膠」特寫時,提及胡媽媽數年前煮的花膠、是價錢高達1萬港元的30年敏魚肚花膠,胡媽媽見到即時回憶返晒嚟:「呢個品種依家已經冇架喇,係我珍藏嚟架,所以我會整畀定欣食。」對於胡媽媽豪煮1萬港元花膠給自己吃,定欣大感受寵若驚及愕然,並坦言今時今日才知道真相。
節目第二部分,定欣回家探胡媽媽,胡媽媽則準備了愛心花膠湯迎接女兒,定欣因而勾起不少昔日與吃飯有關的回憶:「其實我入咗行之後已經冇同屋企人住,媽咪都會有時問:『我要唔要拎湯畀你啊?』好擔心我唔夠湯水,驚我捱壞身體,花膠湯成為咗佢對我嘅一份愛嘅表示。」定欣續指初入行時,因工作關係,很多時連能否回家吃飯也說不準,她亦趁此向胡媽媽坦言當時的心情其實很愧疚,定欣邊落淚邊說:「我初入行頭十零年,你(胡媽媽)成日問我:『返唔返嚟食飯啊?』我成日都會講:『我唔知啊。』但其實嗰句『唔知』係好愧疚嘅,點解我阿媽成日問親我,我都要話唔得呢?」定欣續指當事業穩定下來後,她有作出平衡,盡量抽時間陪伴家人。
這次胡媽媽與定欣上節目,確是共創了不少美好回憶,除大玩「傳承度測試」,又應製作組要求齊齊寫下「十年願望清單」,列出十年內想大家一起完成的事情,以及在鏡頭前,一起見證定欣的成長重要片段,感性的定欣因而想起胡媽媽當年如何將青春獻給這個家:「我媽咪20歲就生我,其實我會諗其實佢都會好想同朋友去玩,但係佢嘅時間就奉獻咗畀家庭…即係我入行時係22歲,30歲時,我就係每一日喺個電視台度拚搏,但你嘅30歲就係為咗家庭拚搏,大家嘅世界唔同,我哋嘅年代亦都唔同。」
另外,定欣拍攝節目時,接受訪問時坦言拍攝地點和店舖充滿了她的童年回憶,並自揭三代都是經營海味店:「自己屋企、太公、爺爺、爸爸、叔叔,三代都係經營海味店,雖然佢哋已經退休冇再做,但係海味店嘅一事一物(都係我嘅童年回憶)…呢個元貝送畀你(主持賴彥妤)食吖,都係我嘅童年回憶嚟,細個嗰時,好鍾意叫叔叔喺啲樽度拎元貝畀我當零食。」、「海味舖嘅從業員,佢哋真係一輩子花咗好多心機去經營呢個行業,因為一份情。」娛樂新聞台還曝光了定欣埋位前,為媽咪細心整理頭髮的溫馨畫面。對於定欣與胡媽媽難得合體,網民大為驚喜,大讚胡媽媽So Pretty之餘,又指定欣婚後更靚女、笑容甜美。
已複製
https://ent.headline4hk.com/article/20251020/oncc/bkn-20251020190155261-1020_00862_001/
胡定欣叫阿媽出鏡費盡唇舌 有得飲1萬蚊花膠湯
胡定欣叫阿媽出鏡費盡唇舌 有得飲1萬蚊花膠湯
熱門娛樂新聞
更多