孫慧雪大仔受邀公開演示 沉穩表現獲大讚

藝人孫慧雪婚後育有兩個兒子，相當愛錫仔仔的她簡直是廿四孝媽媽，不但關心仔仔的讀書學業方面，更經常帶他們體驗各樣新事物，實行多方面發展。近日她在社交平台晒出相片，原來她帶同兩個仔仔出席一間教育小朋友科技知識、創意同企業知識教育中心的開幕禮，並表示：「喺呢個講求科創技術嘅年代，好值得帶我哋嘅下一代嚟到呢度學習！Riley喺呢度學習得好開心！亦都進步咗好多。」 此外，8歲的大仔Riley更受邀在70人面前做presentation，雪雪在文中透露：「Riley當日presentation嘅PowerPoint，所有slide嘅內容都係自己做㗎！都係佢學習嘅真實分享，有人話我肯定迫佢練咗好耐，其實我唔想畀壓力佢，所以佢返到屋企，佢一次都冇練過，我亦都冇提過，係佢嘅老師，俾佢講咗兩次！」從影片中可見，Riley全程以英文進行presentation，雖然從聲線及視角看得出他很緊張，但在面對這麼多人的情況下，表現可謂已經是相當犀利和勇敢，難怪雪雪也表示為Riley感到好開心和驕傲。