陳煒中門大開晒事業線 大方分享：福利唔嫌多

藝人陳煒（煒哥）演技精湛，於無綫熱播劇《巨塔之后》一場遭外籍前夫暴力虐打戲中，煒哥被對方大力掌摑、拳打腳踢兼扯頭髮，其七情上面的痛苦演技備受觀眾讚賞，為劇集贏盡口碑。煒哥日前於社交網派福利答謝觀眾支持，寫道：「福利唔嫌多，開心就好，繼續支持#巨塔之后，主席之位就到手啦。」穿上深綠色大Deep V泳衣的煒哥，於池邊擺甫士留倩影，大晒白滑肌膚和弗爆身材，令粉絲無不看到嘩嘩聲！圈中好友亦紛紛留言大讚，宣萱留言：「Wah!!!」蕭正楠留言：「發生咩事？我睇咗啲乜嘢？」江嘉敏留言：「哇！開心呀！好開心呀！」