江嘉敏孖阿慈首合作 香港玩雪變大細路

HOY TV新節目《好好生活研究所》新一輯繼續有江嘉敏（Kaman）擔任主持，還有新拍檔網紅倪安慈（阿慈），搜羅全球最新的生活情報。Kaman說這節目簡直為她們而設：「我哋每去一間舖頭就會消費，但我哋係嚟返工，我哋係嚟賺人工。」阿慈就說不一定來消費：「我覺得係享用佢哋嘅服務或者福利，例如我哋會去一啲環保二手衫買賣店，或者今日都會去二手玩具寄賣店，我哋支持環保嘅。」Kaman笑說已將家中東西拿出來寄賣。 新一集中Kaman和阿慈到冰雪樂園拍攝，可以在香港玩雪，兩個都很興奮變成大小孩。首次合作的她們默契不錯，阿慈亦開心有新嘗試：「拍節目同平時拍網片好唔同嘅地方，一來就係可以同Kaman合作，有唔同嘅火花，因為平時比較多係自己好熟，頻道嘅成員。二來就係拍電視台嘅格局，例如規模、團隊，甚至係唔同節目嘅鋪排，點樣同店主訪問呢啲流程，都同拍網片嗰種隨心好唔同。」