鍾柔美熱褲闖旺角 拍劇獲劇組就返學時間

「聲夢小花」鍾柔美（Yumi）日前穿上熱褲現身旺角鬧市，為自己新歌《不欠你一個朋友》宣傳，跟不停播放自己MV的應援車合照，吸引大批粉絲圍觀，見到粉絲次次都出心出力支持，加上新歌反應好，自然開心又感動。 Yumi過往以跳唱為主，今次改唱抒情歌，曾憂慮粉絲的接受能力，所以對今次新歌的評語特別緊張。她接受訪問表示：「覺得個反應可以再好啲，咁我就會繼續再努力啲，想畀大家睇到，其實Yumi除咗快歌都會唱慢歌，希望大家知道我有唔同嘅面向。」 Yumi除為其歌唱事業拚搏外，亦兼顧拍劇工作，有份參與新劇《飛常日誌II》拍攝，雖然要兼顧學業同事業，休息時間相應減少，但她卻樂在其中：「劇組好好，會就番我返學時間，如果放學有半日時間，就會返去拍劇。」