《溏心》CP終有好結局！林峯變「管家佬」冧爆嬌妻鍾嘉欣

日前流出林峯《尋秦記》片段，引起網民一齊競猜，原來是林峯以「寡人」造型拍攝新港鐵廣告《尋．未來記》，林峯時隔24年再以「寡人」現身幕前，穿梭於現在與未來，林峯除了以經典劇集《尋秦記》及《溏心風暴》經典CP拍檔「常在心」鍾嘉欣合作登場外，又召喚了經典廣告語句「打波先嚟落雨」的童星現已經長大成人的鄭仲軒出鏡，又重現當年情人節在花墟一人買兩紥花的「花先生」，大玩集體回憶剎，創意延續再做經典。 廣告第一集中林峯飾演的「寡人」手持太傅留下的穿越時光機器，由秦代穿越到現代鐵路，而今日登場的第二集，「寡人」去到未來，遇到多年前被新聞採訪後變成網絡紅人的「情人節花先生」，作為林峯經典螢幕情侶的鍾嘉欣，終於壓軸登場，鍾嘉欣以經典角色「常在心」現身，手推嬰兒車呼喚「管家佬」，以延續劇集傳奇級別數日子橋段「有咗仔仔嘅第300日，晴」作開首對白，將《溏心風暴》兩輯嘅經典角色crossover，為一眾港劇迷送上這對經典情侶角色的平行時空終極大結局，重燃大家對CP的熱愛。故事講述「常在心」投訴「管家佬」兩手空空忘記慶祝紀念日，發火提出一系列要求，要去海邊玩、食海鮮、行山、睇日落、四圍打卡，面對老婆連環轟炸，愛妻寵妻的「管家佬」一一答應。「常在心」聽到「管家佬」的甜蜜承諾後立即笑番大團圓結局。 林峯表示今次飾演寡人穿越時空，令他重溫以前搭港鐵返學的情懷，直言對古洞並不陌生，因為該處屬古裝拍攝勝地，林峯笑稱：「如果拍時裝還可以，但拍古裝冇理由帶住個頭套去搭車，都唔係唔得嘅，不過怪啲！」他續稱：「當年我拍《溏心一》時本來諗住淨係客串，同埋未試過一個角色淨係負責拍拖，嗰陣日日都係同嘉欣一齊開工，點知拍拍吓愈嚟愈多場口！但其實都好開心嘅，因為可以創造咗令觀眾記得嘅角色！」這對經典CP重現幕前，二人都大感神奇和感動，久未與林峯合作拍劇的鍾嘉欣，一見到林峯着上經典格仔恤，所有回憶湧上心頭：「嗰陣嘅《溏心》系列對我哋嚟講，事業上真係幫咗好多。所以到依家廿年後，都仲可以走番埋一齊，拍番一個好似續集咁樣嘅廣告，感覺都好奇妙！其實我19歲嚟香港嘅時候，好鍾意周圍睇唔同階層嘅人，觀察佢哋性格、心態。」現在都會帶小朋友搭交通工具，笑言若無化妝，便會「頭耷耷」。