大女被性騷擾後再遭侮辱 林盛斌貼圖公審：已可能構成違法行為

「金牌媒人」林盛斌（Bob）的17歲大女林霏兒（Faye），近日在社交網遭受網民性騷擾，一向被指是官恩娜與鄭欣宜混合體的她，決定站起來聲討對方，並借此為所有女孩發聲，保護一眾與她一樣衣着打扮火辣大膽的美少女。怎料消息傳開後，竟仍有網友惡意攻擊為自己平反的Faye，Tag上Bob及留言：「咁嘅樣都食得落，邊位仁兄咁為民除害……」成功惹怒Bob。 Bob決定Cap下對方侮辱性留言，其公開其帳號ID公審，留言指曾詢問律師朋友，指對方已可能構成違法行為，勸對方不要蹭熱度、蹭流量：「有個律師朋友話畀我知，其實網上寫呢啲嘢，已經可能構成兩至三個違法嘅行為。」遂打出千字文保護愛女，當中表示Faye已看過此發文，但未有對此有任何感覺，Faye更讚佢識揀相：「大家姐仲話你揀呢張相幾靚添，所以唔好意思，令你失望…我想講，我同我嘅屋企人，包括我太太同啲小朋友， 都比你想像中勇敢、堅強、正面、有胸襟、有自信。」 Bob亦着對方不需要擦存在感，勸對方「己所不欲，勿施於人」，應身同感受地發文：「其實，真係冇要求過要你特別去愛我哋，但係又有冇需要專登去攻擊同傷害呢？你可能對我或者對我嘅屋企人有意見，不過，我仍然衷心祝福你有開心同愉快嘅生活。」不過Bob最後仍忍唔住寸爆對方：「可能呢個哥哥好驚俾人見到佢個真樣，所以佢咪唔放自己個頭像上去囉，你見佢之前出嘅所有嘢都冇佢個樣㗎，咁佢就可以喺個網絡上面寫好多嘢，啲人都唔知佢係邊個，好似寫乜都得咁囉。」為愛女出頭。發文一出，即獲多位圈中人留言支持，陳懿德大讚Bob家教好：「真係好欣賞唔只Bob爺咁高EQ 連屋企小朋友都咁高EQ❤️ support💕」蘇韻姿、麥詩晴、何浩文等都留言力撐。