馮允謙與孖生細佬做情敵 一齊追女模

歌手馮允謙（Jay Fung）英文新歌《See Through Ya》，再次與孖生細佬Tim一起填詞，更首次與Tim拍攝MV，但兩兄弟則扮演情敵，MV中日籍女模坂部佩莎扮演Jay的野蠻女友，但她竟然對Tim一見嗒糖，狂放生電，氣得Jay揮袖而去。Jay表示：「《See Through Ya》嘅中文意思係解『睇穿你』，即係講一個男仔同女朋友拍咗一段時間拖，拍到麻木咗以為呢個女仔好好，後來終於睇穿咗，呢個女仔唔係想像中咁好。」 講到歌曲主題，Jay說：「呢首歌幾年前已經寫好，歌詞靈感係我哋平日同啲朋友出嚟傾心事，發覺好多人都覺得自己另一半，有啲行為好睇唔過眼，所以希望講呢個主題。」Tim補充：「作呢首歌嘅過程好Smooth，我哋用咗幾個鐘就作好首歌。」Jay則爆料說：「加上係阿Tim嘅親身經歷，所以特別有好多感受，你係咪遇到啲唔好嘅對象？」不知所措的Tim則說：「Next Question。」避開尷尬場面。 首次拍MV的坂部佩莎獲導演大讚演技，Tim亦讚不絕口說：「頭先佢個角色係要電我，你做得好好，演繹得好真實！」接着Jay說：「頭先我全部啲同事都話你演得好好，話你做啲表情好真實，好係你，但現實中你係一個點樣嘅女朋友？」她則笑言：「都係近期因為有上Acting Class嘅飛躍進步，但剛才所有嘢都係假，我本身係一個賢妻良母嘅巨蟹座女友，係入得廚房、出得廳堂。」