蔡卓妍恭喜陳偉霆做老竇 鍾欣潼聞生B：我已經過咗嗰個年紀

藝人蔡卓妍（Sa）和容祖兒出席英皇主席楊受成結婚40周年晚宴。蔡卓妍表示預備了兩支大香薰送給楊生和楊太，希望二人生活美滿，每天也呼吸着甜蜜和溫馨的空氣。至於容祖兒則表示問過楊太需要後，為她安排了化妝師，亦會在晚宴上表演，獻唱老闆最愛的《爭氣》。 Sa大讚楊生楊太非常恩愛，楊生風度十足出入會拖實太太，又會幫太太拉好座椅，相當細心。祖兒亦覺得楊生夫婦相當幸福，因彼此擁有對方。問到祖兒、Sa、嬌及關智斌的「龍虎豹龜」組合再次聚頭，會否上台表演助興？Sa笑言要看情況。提到舊愛陳偉霆剛成為父親，Sa表示他會祝福對方。另外，祖兒透露明早會飛到成都，預備為李昊唱演唱會擔任嘉賓，今晚在晚宴上表演可當作練歌。 同場，關智斌兩手空空到場，他自言還未想到送甚麼賀禮：「本來諗住送杯，後來八到有其他人都係送杯，諗住側側膊遲啲再送，表示楊太和他說，我份聖誕禮物到咗，搞到我好內疚。（你到時上台騷肌表演？）今日唔係嗰個裝束（你可以除衫表演。）如果老闆要求，成班仔上去脫有乜所謂，睇大佬頭，霆鋒除我就除，否則唔敢郁。」 提到早前他參加曾樂彤婚宴，離開時險被熱情粉絲扯跌，他為粉絲說好話：「我戥粉絲無辜，大家見我個反應咁激動，其實佢唔係好大力，只係我措手不及，我嘅反應係如常咁誇張同浮誇，我係乜事都冇，我演唱會咁多高難度動力，佢係嚇唔到我。」他稱若見到粉絲，會照舊走過去跟大家打招呼，不會被嚇怕：「不過有時畀佢哋啲尖叫聲嚇親，佢哋啲叫聲分貝好高，我年紀大喇，可能要戴耳塞。」又笑指近日到澳洲開騷，自己帶上有角的戒指，不慎𠝹傷跟他握手的粉絲。 鍾欣潼（阿嬌）以黑色低V連身裙上陣，她表示買了一個水晶酒瓶作賀禮，問到會否在場內表演？她稱公司沒有要求：「就算要即興表演，都輪唔到我，留畀軒仔（張敬軒）。」提到陳偉霆宣布當人父，她指未有恭喜對方，問到會否覺得意外？她說：「唔意外，呢個年紀都應該生BB。（咁你呢？）我已經過咗嗰個年紀。」至於現時有否拍拖？阿嬌坦言沒有，問到有沒有人向她介紹異性？她笑言：「已經過咗畀人介紹嘅年紀。我平常心，依家幾好，過咗心急嘅年紀，我屋企人都唔會催婚。」另外，講到好友何超蓮屢傳婚變，她指對方已回應，事件亦與自己無關。