原子鏸低調返港 走出陰霾復出演音樂劇

近年鮮有在港露面的藝人原子鏸（Marsha），日前低調返港為迷你音樂劇《My Bubble and Me》演出。去年因母親鄭佩佩離世而十分哀傷的她，經調整之後逐漸走出低谷，日前排練音樂劇時表現專業，又演又唱多首英語歌曲，狀態甚佳。Marsha透露今次返港只短暫逗留一星期，主要是換身份證及探望爸爸，以及演出音樂劇，並表示是以自己的真實故事作藍本：「內容講述我嚟香港生活嘅故事，當時媽咪叫我試吓嚟香港發展，佢帶領我成為一個藝人。」每次提起鄭佩佩，她仍然流露無限掛念之情。 Marsha表示對上一次在港演出已是4年前的事，不過自己在美國也有參演舞台及音樂劇：「一直都冇放棄過演藝事業，亦都唔會放棄，因為好鍾意演出，今次因為搵唔到場地，只能夠以小型形式進行，希望下年可以喺香港搞一個真正嘅騷，之後都會繼續做，計劃會做小朋友嘅音樂劇。」 移居摩洛哥的她透露今次丈夫與4歲仔仔Matys亦有同行：「仔仔好有表演欲，鍾意引人注意，佢喺摩洛哥參加咗好多課外活動，玩陶瓷、烹飪、功夫。佢打功夫時，仲識得話自己跟婆婆一樣都係打功夫，不過我就唔多想佢入行，希望佢從事其他行業，因為演藝呢個行業好辛苦。」