萬聖節派對歌手唱歌被掟玻璃樽 占美霍士嬲爆緝兇

奧斯卡金像影帝占美霍士（Jamie Foxx）的17歲女兒Anelise每年都會於家中搞萬聖節主題的音樂節《SKVLK FEST》，今年的派對於日前舉行，不過今年就發生不愉快事件。 今年吸引大批人士入場，期間美國饒舌女歌手GloRilla演出時有賓客於台下向她掟疑似玻璃樽，事發後演出即時停止，「主人家」占美霍士嬲到爆衝上台「緝兇」，他怒氣沖沖問台下賓客：「點解你要咁做？點解你要掟嘢上台，老友？呢個係免費節目。」之後占美愈講愈激動：「你哋真係唔Ｘ值得呢啲。。。兄弟，呢單嘢真係好X街。我好失望。我愛你哋所有人但唔Ｘ理你憎邊個。真係一啲都唔型囉，兄弟。你喺我屋企掟啲咁嘅Ｘ嘢？真係唔型。」GloRilla幸好沒有被掟中，之後繼續唱歌完成表演部分。 去年12月，占美與家人在加州一中菜館慶祝生日時亦試過被隔離枱食客突然向他掟玻璃杯撃中口部受傷送院縫針。有目擊者表示占美隔離枱的人士對他的態度好粗魯及囂張，占美表示由於有家人在場，叫他們停止無禮行為，此時其中一名人士就向他面部掟玻璃杯導致他受傷。