陳家樂腳癢出戰 感冒初愈照踢足全場

藝人陳家樂十分熱衷足球運動，月前還與好兄弟馬志威、張文傑及胡子彤等組成明星足球隊「FC3」圓夢，除曾出戰電台代表隊外，近日還興致勃勃參加「第一屆EXIT CUP」。據悉，比賽當天陳家樂剛感冒初愈，擔心自己不夠力氣落場會拖累隊友戰績，但又腳癢忍不住要求出戰，原本只打算「踢一陣」，最終竟然賣力踢足全場！ 事後家樂於社交平台分享了多張出戰相，且留言：「一落場就唔想輸，一唔想輸就會跑…返到屋企攤咗喺地下30分鐘先去到沖涼，沖完涼爬咗30分鐘先爬到上床，但一班人踢波真係好開心，男人就係咁簡單！」至於馬志威同時亦於網上晒相，除公開比賽時實況外，更有「執教鞭」照，原來他薪火相傳教小朋友踢波：「咁大個人第一次試教小朋友踢波，雖然哥哥教唔到你哋啲咩，但希望可以感染各位小朋友對足球產生濃厚嘅興趣，未來代表香港隊喺啟德出戰，就係你哋，加油！」相當熱血。