《愛．回家》更改播放時間 古佩玲陳浚霆爆被「催婚」

無綫處境劇《愛．回家之開心速遞》今日（27日）在將軍澳電視城舉行「Happy Halloween」活動，劇中30多位演員劉丹、滕麗名、周嘉洛、古佩玲、陳浚霆、楊明與女友莊思明等出席，眾人大玩遊戲，現場氣氛熱烈，最後監製梁耀堅更公布劇集為配合全運及台慶，將於11月3至7日改為於晚上8時半至9時半播出一連5集的1小時版本。 提到下月播出的一連5集1小時版本，問到劉丹會否很辛苦，他就表示不會，因為個5集主要講述運動方面，笑指自己的戲份只是坐在家中說話。提到內地綜藝節目《一路繁花》日前來探班拍攝，劉丹直言當日才知道，當刻很開心甚至激動到流眼水，又指一向有看劉曉慶的劇，而寧靜就與兒子劉愷威較熟，他表示因當時拍攝時間緊迫，故比較可惜不能交流久些，問到有沒有叫他們客串一兩集？劉丹就笑言如果有都是要靠珍姐（曾勵珍）出手。 問到萬聖節會否要陪伴孫女，劉丹就指孫女已經安排好節目，性格外向的她有很多朋友，而阿仔劉愷威近日就大部分時間都留在香港，問到他有沒有聽到兒子的戀情？他說：「冇聽佢講喎，佢個口比較密實啲，我諗就算有暫時都未講住，遲啲如果真係嘅話我諗會講嘅，冇理由一路都收埋收埋。（唔戥佢心急？）戥佢心急又點呢，急都急唔嚟。」 古佩玲同陳浚霆近日在劇集中成為情侶，問到兩人是否在戲外都成一對，陳浚霆就指好忙碌，一個禮拜內有女朋友又有老婆，有點抽離不到，坦言多出鏡率但謙虛未爆騷，兩人又指開心出街時有粉絲表示，由中一睇到中四終於見到他們戲中一齊，更曾被小朋友搞笑催問何時結婚。提到陳浚霆日前被拍到買外賣畀古佩玲，陳浚霆即笑言自己買外賣畀好多人，古佩玲亦幫口指陳浚霆好為食。 問到古佩玲會唔會呷醋陳浚霆在《金式森林》中有老婆？古佩玲說：「唔會，我覺得佢老婆好靚。（佢老婆個鼻扁咗。）但係都好靚。（有冇睇佢哋戲中做運動？）有睇到，睇到唔知點樣去形容好，我覺得好刺激。」又指覺得陳浚霆很幸福，兩套劇都有另一半，陳浚霆聞言即顯忠心：「我覺得《愛》係好啲嘅，因為始終咁多年，而且嗰個係一剎那嘅激情。」問到古佩玲會否想在《愛》嘗試激情戲份？她笑言：「畢竟係合家歡節目，有啲18禁感覺，個尺寸太Over，我好保守。」 周嘉洛與滕麗名一同受訪，日前周嘉洛甫出的一條影片引起熱議，他受訪時解釋該條影片由好友朱敏瀚拍攝，因當時正在機場拍攝劇集《飛常日誌II》，故趁休息時在拍攝背景拍攝了搞笑娛樂性質的影片，但部分標題起題指他暴躁之類，問到會否怕影響印象？他指不怕，在旁的滕麗名亦指他本來都沒有形象，而問到如果現實中被偷拍，他會如何應對？周嘉洛就指自己已經很習慣鏡頭，見到被拍會笑，但當然如果要求合照會比偷拍更好。提到緋聞女友陳瀅日前生日，他說：「我哋有食一餐飯。（兩個人？）當然唔會，我哋好多朋友一齊食。（有朱敏瀚？）有。（佢自己都要拍拖㗎？）呢個真係要問番佢，佢會熟啲㗎呢啲嘢。（陳瀅生日正日有冇一齊過。）冇。」 問到早前有網民在社交網上發文，斥責作為日資公司香港總監的滕麗名老公朱建崑，強迫下屬超時工作冇補水一事，滕麗名解釋說：「其實好似話係Training嚟，同埋間公司又唔係我老公嘅，佢都有份要幫手Training。（即係佢都冇得愛回家？）唔係，佢咁都愛回家到，同埋老公叫我唔好講嘢啦。（驚你講多錯多？）唔係，因為我個人性格，一講屋企人我真係會着，但係件事又唔係咁嘅時候，大家係個體嚟，唔好影響佢工作，我老公因為我多咗好多身份，佢都好無奈，佢唔係公眾人物咁就無辜咗少少。」周嘉洛聞言亦幫口：「佢淨係得兩個身份啫，你老公同我Daddy。」