張與辰40歲生日 狄波拉到賀齊切蛋糕慶祝

歌手張與辰日前（25日）40歲生日，粉絲提前為他慶生，除了粉絲應援外，更有狄波拉、陳松伶、樂易玲等到賀，相當熱鬧。期間與辰與粉絲互動慶祝外，上台唱歌時，陳松伶更上台伴舞助興，狄波拉則和與辰一起切蛋糕慶祝，喜氣洋洋。講到與拉姑和松松的淵源，他說：「喺朋友活動認識之後，就幫松松嘅演唱會做音樂總監，開咗幾次會，大家仲做埋friend，拉姑就係我馬來西亞屋企人嘅好朋友，所以特別投契好傾，所以生日會就請埋佢哋嚟。」 與辰接受訪問指今次是第一次在香港與歌迷、朋友一齊過生日，加上今年踏入40歲生日，感覺特別有意義和難忘，相當開心。他指生日最感動是粉絲將日常應援點滴以短劇形式和他分享，相當有心思，看到他眼濕濕，要用紙巾抺眼。講到40歲生日感受，他說：「其實心情都係一樣，想做自己想做嘅嘢，最希望可以做到一啲令歌迷、自己都開心嘅事情。踏入另一階段，希望可以做更多音樂，同埋跨出音樂領域，好似拍電影。」