安妮希芙威睇Sabrina Carpenter開騷為乜被捕？

美國女星安妮希芙威（Anne Hathaway）出名是荷里活大忙人，近期她趕拍矚目新作《穿Prada的惡魔2》（The Devil Wears Prada 2），而日前她抽空在紐約睇樂壇天后Sabrina Carpenter開演唱會，怎料演唱會期間安妮卻被當場「拘捕」！ 安妮「被捕」整個過程被觀眾拍下並放上網瘋傳，片中以性感低胸打扮的安妮被「揀中」企在觀眾前，原來Sabrina每場騷都會選一名「索爆」的明星觀眾，並向她送上粉紅色的毛毛手銬，之前美國超模Gigi Hadid與英國女子組合「辣妹」（Spice Girls）成員Emma Bunton等都是「拘捕」的目標。 而今次就輪到安妮被「捕」，片中Sabrina拎住「手銬」並向着安妮說：「我認為咁索係一種罪名！」之後她搞笑問安妮叫咩名？全場觀眾喝采，而安妮即時大笑並向在場觀眾送飛吻及向Sabrina派心心。Sabrina隨即說：「你係安妮？當我見到觀眾群入面有咁索嘅面孔，真係唔知道點做，你邊度人？」安妮即時「入戲」回答：「熱諾維亞（即安妮於代表作《走佬俏公主》角色的家鄉）！」Sabrina回說：「有冇人話畀你聽你好似公主？安妮，我可唔可以因為你係全世界最完美嘅公主而拉你？」並隨即向她遞上手銬。