盛傳任新邦女郎 性感女神Sydney Sweeney答法有可疑？

荷里活導演Denis Villeneuve早前落實執導新一集占士邦電影，雖然新占士邦仍未有定案，但之前已有指導演已睇中美國新世代性感女神Sydney Sweeney任新邦女郎。當時有傳Denis認為Sydney好有才華，對年輕一代也極具吸引力，對該占士邦系列年輕化好重要。而Sydney近日接受雜誌訪問時首度回應傳聞。 她被問及任邦女郎傳聞時共停頓17秒，她說：「我唔能夠。。。我唔知呢。講真，我唔知有關占士邦嘅所有傳聞，但我一直係系列嘅忠實擁躉，而我好興奮同好奇佢哋會點拍。」記者再問她有否興趣參與邦片，她即時回應：「要睇下個劇本先。我認為我做占士邦會比較好玩啲。」 另方面，Sydney於訪問中亦有回應整容的傳聞。被問到有否整容或未來會否整容的問題時，她就回答：「我從未整個任何嘢。我對針充滿恐懼。所以冇紋身。我會優雅地老去。」而她亦不忘串爆那些懷疑「整容前後」的對比照片，她表示：「實在好搞笑。我有喺網上睇嗰啲『比較圖』。我睇完之後就講：『嗰張照片我得12歲。當然我會唔同。我依家有化妝同埋我已老咗15年。』」