陳柏宇完成5場School Tour 黃妍獲封「雨神」

歌手陳柏宇（Jason）率領黃妍（Cath）、林奕匡（Phil）、PER SE、力臻、Michael C、KING 吳崇銘、Idol Girls「偶像女生一期生」及上月正式成團的IdG Bubbles，昨晚（27日）於香港中文大學聯合書院舉行「Sony (not) Tour O For School」尾站演出，五場School Tour最終圓滿落幕。 近日染上一頭金髮的Jason被力臻問到：「係咪我話你係我心目中嘅男金，你就染埋金髮？」Jason稱：「無錯！」力臻亦指向觀眾：「陳柏宇係我哋心目中嘅男金！」全場隨即歡呼聲四起。Jason除了獻唱新歌《不愛無壞》，更透露即將推出新作，呼籲樂迷拭目以待：「首歌兩個字，第一個字係『一』；第二個字係有個『二』喺入面。」Jason 更將舊作《車匙》拿來開玩笑：「呢首歌有機會老過在場某啲學生。」他走到台下一邊唱一邊與學生擊掌。 現場時不時下起驟雨，曾被網民指出：「黃妍做親宣傳活動一定會落雨」的「雨神」 Cath笑說：「好驚呀，點解我出嚟又落雨，我係無辜㗎！」Cath 冒著微雨獻唱新歌《其實我 不是那麼的純情》，更走到台下被同學重重包圍下合唱《天光前》，氣氛熱烈；PER SE 亦首次現場演繹最新出爐的歌曲《未存在的我們》；Phil《高山低谷》前奏一起，全場觀眾隨即尖叫高呼，舉機拍攝；Michael C亦趕及於尾站回歸，與力臻於School Tour首次合體「米臻」，唱出《做好戀愛的覺悟》；而Idol Girls及IdG Bubbles的連環快歌熱舞，亦令台下學生熱血沸騰。