葉蒨文遊日預支蜜月 大讚男友曾展望可靠

無綫於今日節目巡禮中，宣布錄製戀綜節目《女神配對計劃2》，而首季配對成功的葉蒨文及曾展望今日拍拖亮相成焦點。受訪時談到日前女方生日雙雙到訪大阪，恍如預支蜜月，被取笑春風滿面，曾展望搞笑回道：「秋風滿面先啱，秋風起啦！我哋去了解吓唔同嘅地方嘅文化，學吓地理常識、日文咁啦。」 葉蒨文透露今次行程實質只得3日：「因為我哋拖住篋拍完個人護理廣告，就直出機場，去到已經深夜，瞓醒就去主題樂園，翌日再去京都，返嚟嗰日行咗少少街就返嚟。」她不諱言水雖然行色匆匆，但絕對有增進彼此感情，當到是否同房，曾展望大方回應：「係，不過唔同床，我哋係中國人。」葉蒨文接口：「房租貴，我哋想慳番啲。（今次旅程覺得男友可靠？）好好喎，出發前佢做晒Research。」 當問到是否大出血瘋狂購物，曾展望再搞笑答：「大出汗就有。（已想計劃下次行程？）都想㗎，你哋（記者）有咩提議？」至於有否打算關係跨前一步嘗試同居，他們笑指暫時不會，因各自與家人同住可以儲錢。談到再開拍《女神配對計劃》，葉蒨文笑說：「暫時真係乜都未知，可能會安排我哋做花生團友，其實我好多朋友想認識林盛斌，當然我都會推佢哋去參加節目。」