馮皓揚健身狂操有成果 自我挑戰激罕半裸

藝人馮皓揚(羊羊)憑演弱聽與四肢痙攣的少年版蘇樺偉的電影獲得金像獎最佳男配角，之後他在多部無綫劇包括《法證先鋒VI：倖存者的救贖》中演自閉症的「霍寶樂」；與及《俠醫》中演患濕疹的隱青「莫家俊」；還有近日播出的台慶劇《巨塔之后》裏面演患驚恐症的「柯睿暉」，被網民大讚神似，封他為「身心障礙專業戶」。 羊羊不覺得這是自己的宿命，認為工作要來就做，上周他為《玫瑰戰爭》開工，表示今次角色終於不是身心障礙型，笑言有鬆一口氣的感覺，「原來公司都覺得我能勝任其他角色，其實《正義女神Themis》裏面的角色都唔係。」羊羊並自揭少時確診患有輕度亞氏保加症，小學二年級時媽媽發覺他有早期症狀於是帶他做驗測，他說:「我無詳細問乜嘢症狀，我諗係無乜朋友和溝通有啲困難，但呢刻我覺得冇，（症狀改善咗？）自閉症經治療係可以改善，我嘅治療就係做咗演員，有人話呢個病會伴隨一生，我想証明畀大家睇係可以撇甩佢，所以遲啲都想再去check吓。」 羊羊外表斯斯文文，他在主持的旅遊節目《獨嘉瞓過界指南》裏面罕有半裸演出，晒出結實腹肌，原來他都相當大隻，他表示趁開劇前好想挑戰自己，努力健身，靠勤力和飲食，沒有請教練下都練出成果，希望將來能演拳手的角色，對現在身材滿意？他笑說：「嗰時都係燈光拍攝效果，依家唔得，尤其一開工唔喺香港，生活習慣唔同咗，都要再勤力操番。」