姜濤慘成箭靶 「本地姜」怒吼反枱

男團MIRROR成員姜濤於12月舉行的個唱率先增添內地售票平台，令本地「姜糖」嬲到反枱，皆因他每次開騷都一票難求，現在加入內地大軍搶飛，將「絕望座位表」變成「無望」，有粉絲以脫粉作抗議，亦有人鬧爆公司將偶像當作箭靶。 人氣王姜濤早前成為MIRROR首位「紅過羅湖」的成員，日前其公司MakerVille（MKV）公開他於12月18至21日假亞博舉行的《KEUNG TO“LAVA”LIVE 2025》演唱會海報及細節，當中官方歌迷會可優先認購，並首次增設內地售票平台，於11月10日中午公開發售，有利於內地粉絲上網搶飛。此舉令本地「姜糖」（粉絲暱稱）反應兩極，其中有不少歌迷在網上怒吼，揚言嬲到要脫粉。 事實上，現於社交網擁有100萬粉絲的姜濤，以往舉行個唱或出席活動都必定掀起搶飛潮或黃牛黨肆虐的情況。今次他在亞博Arena場館開騷，每場最多可容納14,000名觀眾，4場合共約56,000張門票，對本地「姜糖」來說已是供不應求，現開通內地售票平台，擺明令爭飛慘況雪加上霜，難怪不少「姜糖」在網上洗版，暗寸公司：「做Title Sponsor，紅過羅湖，姜姜應該揀咗過羅湖橋！」、「我唔嬲個仔（姜濤），公司一早嬲咗！」等。還有人指之前姜濤到曼谷出席頒獎禮時，香港「姜糖」不敵內地粉絲，錯失好位置，所以索性脫粉一了百了。 同時有「姜糖」不滿公司再次把偶像當作「犧牲品」：「如果MKV想試水溫，如果最後有團Job喺內地，我係絕對會脫粉！」不過亦有部分粉絲表示：「其實姜濤呢兩年多咗好多內地人知道佢，雖然好多人係因為『黑粉』宣傳而知道佢，但因為姜濤訪問回應一直都好真誠，所以內地人都轉而欣賞佢……佢開演唱會，佢公司多擺一個內地售票網，方便內地粉買飛，又唔係錯。」 AL被彈「假Sold Out」 雖然個唱門票尚未公開發售已爭議不絕，但姜濤一於懶理，全身投入準備演唱會，經過與監製的溝通，今次演出最終選定「Lava（岩漿）」作為元素，他表示：「岩漿代表一種液態與火元素嘅結合，想藉此傳達生命中每個階段、所經歷嘅每件事，都能成為重生契機。我哋毋須拋棄過去，而係應該承載住過往一切，繼續蛻變前行。」談及音樂製作，追求突破的姜濤大膽結合中、西樂等不同風格的對立元素，重新編排再融合，實踐音樂上的「水火共融」，他解釋道：「水與火看似無法相容，但就像太極中的陰陽，相剋卻又雙生。」 另外，跟姜濤同月同場地開騷的隊友Anson Lo（AL）傳出個唱門票滯銷，他繼續在社交網救亡，上載備戰日常，被網民指其個唱是「假Sold Out」。而11月30日及12月1日在亞博開騷的Jer，銷情同樣不理想，截至昨日為止，僅得最平的680港元門票售罄。