黃婧靈冇人追恨拍戀綜脫單 主動溝仔3日得手

無綫「咪神」黃婧靈（波波）由節目《#後生仔傾吓偈》開始，便開拓綜藝之門，經常被委任為節目常駐主持，近期她有份主持的《美食新聞報道》，便吃盡港九新界，之前她又飛到泰國拍攝《冲遊泰國》，涉足的綜藝範疇廣泛，更自封為「綜藝轟炸機」，她笑言：「我諗我係熱情搞笑型嘅女主持，每次拍完要問心無愧，全情投入，想下一次表現更好。」 古靈精怪 想講就講 近來戀綜《女神配對計劃》熱爆，波波亦有留意，笑言有機會也想一嘗拍戀綜的滋味，除了因現時單身外，她亦自爆從來未被男仔追求過，她說：「好想睇有咩人會追我，以前有人想追我，我會保持距離，會叫人唔好追我。讀書時我係戀愛食人䱽，超級鍾意拍拖，不過都係我主動追男仔，有一個男友我直接叩佢門攞電話，第3日就拍拖喇！哈哈！」波波自認性格古靈精怪，笑言不知甚麼男生可以駕馭到她，她說：「我好跳，呢刻情緒好開心，下一秒會好唔開心，諗到就講，無懼做自己。」她形容自己一日有365種情緒及365種想法，笑言自己也估不到下一步想點。 之前有上演藝班進修演技的她，亦有學唱歌望提升自己，近日更準備學車，她表示因為被畢彼特的《F1電影》所吸引，燃起賽車的熱誠，笑言第一步先要考車牌。