張景淳拍《愛．回家》出意外 跌落水仆親刮傷腳

藝人張景淳於無綫劇集《愛．回家之開心速遞》中飾演「龔樺」一角而入屋，與呂慧儀的「龔水CP」更甚受歡迎，因而圈粉無數。近日他為《愛．回家》拍攝時竟意外受傷，原來當日他到山溪中拍攝外景，在用撈網演繹戲份時不慎跌落水刮傷小腿，幸好工作人員即時幫忙處理傷口，其後他在社交平台晒出現場照及受傷相片，並寫道：「演跌落水仆親，真係跌落水仆親。水內岩石狀況和水流和青苔都無法預計（男仔損傷無事放心）最主想講，每集就算係普通對白/主線劇情/就咁食個飯/飲杯茶/變下裝/或有動作要求等等，都有落力㗎，希望大家繼續喜歡《愛‧回家》！大家都係有保持用心想演好去畀大家繼續晚晚有sitcom睇。」獲網民大讚他敬業，為藝術犧牲，用心演繹每一場戲，亦有粉絲提醒他要注意安全，更擔心留言指：「要小心喔，這種水很多微生物，消毒要做好。」