陳詠詩自認冇抽獎運 施宇琪臨時缺席活動

應屆港姐冠軍陳詠詩（Stacey）和季軍袁文靜（Jane）今日現身慈善獎卷抽獎儀式，原本名單還有亞軍施宇琪，不過施宇琪因為急事而缺席。二人覺得攪珠好玩，Stacey自言冇抽獎運，試過一次在外國籃球賽抽中耳筒，Jane就表示最大運氣是贏得港姐榮譽。 Stacey是藝術體操運動員出身，有留意全運會賽事，出門口前有看沙灘排球賽，如果有機會評述體操，一定有興趣，因為是老本行。 Jane 日前與大學同學去日本玩，因為要趕回港工作，只能快閃4天，網民讚她着和服可愛，她笑言着旗袍都一樣可愛。提到她在台慶綜藝《攻你上大學》上rap功獲讚，她表示每集都會重新錄一次，共有兩個版本，咬字問題比之前好點，但笑言：「我最主要係搞氣氛，咬字唔好先搞笑。」Stacey就透露近日忙於綵排慈善騷，表演她擅長的體操，「今次有啲危險性，有凌空動作及速度感，對我嚟講柔軟度冇難道，所以都好玩。」