甄志強突然離世 視帝陳展鵬難過：世事無常

前亞視小生甄志強，曾因演出劇集《碧血青天楊家將》而被封為「最帥展昭」，惟近年淡出幕前轉到內地生活，並熱愛高爾夫球活動，生活變得相當低調。惟今日（31日）突傳來死訊，太太方心媛發出訃告指：「先夫 甄志强先生 於2025年10月21日於上海安詳辭世。」終年59歲。 甄志強在娛樂圈人緣甚廣，不少圈中好友得知死訊後感到相當難過。視帝陳展鵬接受東網訪問時，表示：「我同佢一齊打藝人哥爾夫球協會。收到消息好突然，我有同佢地一齊玩開。有時佢直播唱歌我都有上去Say Hi。喺亞視嗰時，佢係哥哥來的，佢都有教我打波。真係好突然，我知佢成日打波。世事無常，好懷念佢打波的時候。」 曾多次合作的江美儀得知死訊後相當難過，表示：「請見諒我心情沉重」，並透露「我第一個平面廣告係同你拍，我第一個電視劇又係同你合作。小強，願你離苦得樂，往生淨土。南無地藏王菩薩，南無地藏王菩薩，南無地藏王菩薩。」 甄志強多年前與李思雅和AGA藝人高爾夫球會齊齊為黎瑞恩搞生日會，黎瑞恩表示：「我哋都好sad 因為太突然啦。」李思雅得知死訊後傷感表示：「我現在在北京，真係不敢相信，幾個月前仲同佢一齊出席湖北嘅高爾夫球活動！他一向都踴躍支持的，亦都好樂於指導我哋球會嘅新人，聽到呢個消息非常難過，希望他的家人節哀順變。」