張繼聰做拳手同曹星如學嘢 身形暴脹Big爆衫

藝人張繼聰（阿聰）6年前拍攝的電影《金童》定於下月上映，今日（31日）官方公開一條阿聰為扮演片中拳手角色而花了2年時間特訓的紀錄片，雖然訓練過程辛苦，但阿聰無怨無悔的說：「個天要畀好多考驗我，我40歲前要專心完成一件事，為夢想而努力。健身、學拳、不同嘅體能訓練，我完全作好心理準備，我為自己曾經做過的一切感到驕傲！」 阿聰化身成拳手，背後有賴兩位出色的軍師幫他一把，分別是健美界得獎無數的高人Brenda，以及國際級拳手曹星如，他回想初次訓練仍然印象深刻：「記得第一次跟Rex（曹星如）上堂打Shadow，跟住再接受Brenda體能訓練，操完之後返屋企瞓咗3個鐘，起床的一刻感覺全身酸軟，每一個肌肉都好似火燒咁，當刻真係以為自己身處醫院。練習嘅第一堂已經難受至極，真係唔敢想像之後嘅日子，隨住體重不斷增長，身體嘅重量令到張床都側埋一邊，負荷唔到。」經過一段艱苦日子的訓練後，兩人對阿聰堅毅、不屈不撓、不放棄的精神，高度讚賞。 除了練習打拳，阿聰無論衣食住行都有了很大的變化，不僅帶來了很多的不便，甚至錯失演出機會，因為身形的變化，阿聰在衣着上只能夠穿運動衫，由大碼穿到加加大碼，由於身形日復日的暴脹，一下子變了一座雪櫃超級健碩，連廣告客戶和電影導演也叫他減肥後才來演出、甚至聽到身邊有人不時形容他變了一隻豬般肥，一切有口難言，更多不堪入耳的說話也聽過，但為了追求這個夢想，事前也作好了一切心理準備。食方面更淡而無味，接近拍攝階段，每天只有白烚薯仔、番薯、白飯，每次開工放飯，阿聰只能夠用鼻子大力聞一下工作人員手上放滿餸菜的開工飯盒，以滿足自己的口感和味蕾。