田啟文對馮淬帆離世感突然：佢喺演藝界獨當一面

藝人田啟文（田雞）出席欣賞舞台劇，想了解觀眾娛樂的心態，指舞台劇飛比電影飛貴，而不選擇看電影，他覺得這個現象好大問題，「演唱會2000張飛有人買，點解電影飛80蚊張唔支持？係一個要研究的問題。」他跟資深藝人馮淬帆相熟，對於馮淬帆離世，感覺突然，田雞表示跟對方由電視台開始到電影便經常合作，早一日已收到消息，當時未經證實，感覺惋惜，指馮淬帆好多門生在演藝圈都獨當一面，「只可以講近排好多前輩相繼離開好惋惜，同佢好耐無見，佢定居台灣之後，對上一次佢返港拍戲，有搵過佢但無覆，可能換了電話。」至於對方後事並不清楚，也不知道會否在香港舉殯。另外，已故香港武打演員徐忠信女兒發文抨擊田雞，批評就父親離世的失言，「就此事無謂回應，不想加添不必要誤會。」 許冠文表示很喜歡看舞台劇，對葉念琛的出品大表欣賞，讚對方筆下的角色性格內裏不一，非常好玩，「鍾意睇佢寫的愛情古仔，佢寫的男女都口不對心，係佢風格，（有冇搵你拍戲？)我哋有時會約食飯傾吓偈。」問到馮淬帆離逝，許冠文表示早在《雙星報喜》時便合作，讚對方演技好人又好，「佢性格掘強，我好鍾意這種人，說話一句就一句，不會多講。」記得拍《摩登保鑣》時，那時馮淬帆很少拍喜劇，要他慳錢坐在櫈子上扮學車，「佢唔知自己做乜，但出來效果好搞笑，香港好遺憾失去一個偉大演員。」