郭晉安羅子溢行孖咇搵食 食到「肚滿腸肥」！

視帝郭晉安（安仔）夥拍羅子溢演出的無綫台慶劇《金式森林》正在熱播中，該劇早前在內地上架時已引起不少劇迷的關注。戲中子溢扮演安仔家族的「軍師」，而現實生活中這對黃金組合亦相當有緣，子溢透露：「當年我入行拍嘅第二套劇《古靈精探B》就遇到安仔嘞，當時佢已經教我好多道理，包括演員嘅操守等等，係我嘅啟蒙老師之一，私底下佢同我太太楊茜堯都兄妹相稱，咁多年關係一直都好好。」 日前安仔與子溢便應邀重臨《金》劇取過景的食店，下至糖水店、魚蛋檔，上至高級中菜館受訪拍攝，一天內游走深水埗到中環，行程相當緊密，所到之處吸引不少途人圍觀，期間安仔更充當攝影師，為子溢與粉絲合照留念。子溢打趣當天食神來襲：「嗰日真係去到邊食到邊，好似戲裏面羅天宇帶郭柏妍去大牌檔食糖水，嗰日我同安仔都有去試食芝麻糊，然後又去酒樓食潮州菜，所以朝早出門口前我都唔敢食嘢，留肚呀。」談到「落區」深水埗，他笑言：「嗰度我好熟㗎喎，成日去執平嘢嘅，搵日用品之餘順便買玩具畀我兩個小朋友，平靚正兼經濟實惠，大家下次見到我不妨過嚟打招呼呀。」