林奕匡為賺奶粉錢無時停 李靄璣靠恒心修身

歌手林奕匡（Phil）早前和同一唱片公司歌手陳柏宇、黃妍、PERSE、力臻、Michael C等完成校園騷，他在社交網分享感受：「呢幾場School Ｔour，除咗開心見到咁多熱情、唔怕熱、唔怕夜、唔怕雨嘅同學們，仲有就係可以喺後台一大班同事們盡興，有啲好似以前讀書時同班死黨喺Band房玩，bringing back lots of great memories。」 之後他又出席新城廣播的「勁爆頒獎禮」記者會，為幫1歲大的愛兒Darrien搵奶粉錢，努力工作，而主持人太太李靄璣（Rikko）同樣拚搏，為港台擔任啟動禮司儀。她為在幕前顯示最佳狀態，她產後勤打羽毛球、籃球，排球、瑜伽，適量的舉重及跑步運動，付出汗水幾個月後已經回復產前的體重，她說：「其實真係全靠有運動底子，運動唔係一時三刻嘅鍛煉，而係將做運動變為日常生活嘅一部分，先可以保持健康體魄。」