鮮娛糧︱小S大女再獻新猷 完美蜜糖肌戴后冠辣爆Mon

台灣藝人小S（徐熙娣）大女許曦文（Elly）目前於美國南加州大學（USC）就讀，愈大愈靚女嘅佢獲「最美星二代」美譽。近日佢又晒出一系列最新美照，只見佢頭戴華麗皇冠、身穿緊身洋裝，氣質高貴又性感，真係Hot爆！ Elly於貼文中寫下：「Better late than never（遲到總比不來好）」似乎暗示忙碌課業下難得更新近況。照片中，Elly一頭柔順長髮閃耀有光澤，散發自然光感，頭上更戴有黑色鑽飾皇冠，氣場強大，宛如時尚女王！佢一身貼身tube dress以花卉圖騰設計，色調柔和又有古典韻味，貼身剪裁完美勾勒修長曲線，加上佢完美蜜糖膚色氣質出眾，肩膀與鎖骨線條精緻性感，令人一見傾心。