龔嘉欣亮相直播節目 林溥來：佢係我前輩

視后龔嘉欣（Katy）昨晚亮相新聞娛樂資訊直播節目，坐正主播位與林溥來（Patrick Sir）拍住做直播，Patrick Sir表示：「Katy年紀細我好多，但係我前輩。」不說不知原來Katy初入行便有機會做主持，熒幕播出她當年今日報道娛樂新聞時的模樣，樣貌清澀，口齒伶俐，跟現在無大分別，嘉欣看到舊片段忍不住掩嘴笑：「好彩無分別呀！2009年加入嗰時係20歲，估唔到有機會坐呢度，好多人以為我去錯地方。」她表示在錄影廠有種時光倒流的感覺，好像回到那個初入行20、21歲的自己，她說：「監製邀請我做特別嘉賓，收到邀請好開心，覺得好大挑戰，好多以前一齊做節目嘅同事特登過嚟支持我，本身都有少少擔心，始終10年冇做直播，最後都順完成咗，有Patrick Sir一齊做廠好放心。」