柚月美美 真胸唔怕露

所謂「真金不怕洪爐火」，一個人只要有真材實料，面對其他人嘅質疑，根本唔使怕，而騷哥利就係最佳嘅回應方法。正如今日同大家見面嘅柚月美美，天生有一對G Cup靚波，於是成日同人講自己嘅身材冇僭建，兼且頻頻以性感造型示人。 人如其名 唔少日本寫真女優嘅名字都同外形襯到絕，以真白雪澄為例，佢啲皮膚真係雪咁白！又好似大白桃子，心口亦有一對嫩白桃乳。至於柚月美美亦係人如其名，可以話係貌美如花，笑起上嚟固然可愛，就算扮Cool一樣咁正，仲令筆者諗起某位本港女飛魚。另外，美美嘅身材雖然矮細咗啲，只有約152cm，但上圍有成35吋，兼且係G Cup，可以話係廟細燈籠大，襯埋一身鮮嫩白滑嘅美肌，實在令唔少女生羨慕不已！可能係怕其他人因妒忌心作祟亂咁講，阿妹喺社交網特別強調自己係無整形G奶模特兒，以正視聽。 白領麗人 出生於日本東京都嘅柚月美美，除咗係寫真女優，亦係一位薄有名氣嘅Cosplayer，但原來拍寫真、玩Cosplay都只係佢嘅副業，而正職係一名白領麗人！佢喺一次訪問中透露，呢份工唔係咁簡單，要應付嘅任務相當多，包括行政、會計、秘書等等，有時候更加要幫忙處理雜務，甚至充當司機呢！原來阿妹嘅哥哥、姐姐同細妹都有開設自己嘅公司，經常需要佢幫忙，所以漸漸變咗萬能打工仔，辦公室入面嘅大小事務都難佢唔到。問到美美會唔會開番一間公司，佢就話本身對烹飪有濃厚興趣，所以日後有機會創業嘅話，寧願開一間餐廳。 Profile 出生地：日本 身高：152cm 三圍：35G-24-35 柚月美美好滿意自己嘅身材，亦唔介意以性感造型示人，所以成日會喺社交網派福利，上載自己嘅水着寫真畀網友欣賞，大家唔睇就笨！ 網址：https://x.com/yuzumimi_0727