連詩雅日本瘋狂購物 嚇親老公陳家樂

藝人連詩雅（Shiga）今日（4日）出席活動，分享保養心得，表示因餵人奶流失骨膠原令皮膚變差，因此要好好保養。Shiga透露上月中跟老公陳家樂到日本二人世界為老公慶祝生日，指原先打算趁老公10月頭出席東京電影節時隨行順道慶祝，她説：「但覺得唔似慶祝，所以月中撇低個女兩個人去。（捨得？）唔捨得呀，所以每日都有視像，但一來未幫佢整護照，二來擔心阿女喺飛機扭計搞唔掂。」問到此行是否浪漫滿滿？她笑謂：「好多Shopping，返嚟都唔敢睇卡數，哈哈！」她指今次才是拍拖後第2次兩個人去旅行，笑指老公也是首次見識她爆買一面：「佢話『老婆，原來你有呢一面㗎？你開啟個Shopping掣原來係咁恐怖㗎！』（嚇親佢？）少少，我話旅行先係咁，平時好慳錢㗎，哈哈！」問到此行是否補度蜜月？她笑指「希望唔算」，因跟老公有共識，人生一定要二人去歐洲一趟，但現時要先儲錢，希望多點廣告商找他們幫補旅費。 Shiga透露近日跟老公積極練跑，預備明年頭參加10公里賽事，指老公上年原先也計劃陪她跑，但因病了才沒有同行，問到是否要特訓老公？她笑謂：「佢快過我好多，見唔到佢尾燈！諗住到時起步一齊影張相，都冇諗過一齊衝線。」她指老公喜愛踢足球，自己平日也會跟老公到球場：「佢哋踢波我喺場邊練跑。（𥄫住老公？）吓！我又冇咁諗過喎，諗住橫掂去到運動場唔好嘥，死啦！唔知佢啲隊友會唔會咁諗？哈哈！」不過她笑指並非只得她做「跟得夫人」，透露林家熙女友邱彥筒（Marf）也有去看男友踢波。