谷婭溦《中聲》捱出頭 期待同海兒飆高音

谷婭溦（溦溦）是《中年好聲音》出名的「小辣椒」導師，來到第4季，溦溦升呢坐正成為常駐評審，她與另一評審海兒都是女高音，二人私下頻繁交流互相鼓勵，期待兩大高音女神一齊飆高音，相信好睇過比賽。 谷婭溦近日推出新歌《為一位觀眾唱歌》，為鼓勵所有追夢的人不要輕言放棄，溦溦也是人版，音樂路初時並不順，試過一段時間甚至零工作離港，咬緊牙關都撐過去。近年溦溦做《中聲》導師非常耀眼，《中4》更升級跟女高音海兒、周國豐和張佳添一同做評審，溦溦讀歌劇出身，跟海兒同是女高音，節目撮合兩女高音較量，她說：「海兒係抒情女高音，我係花腔女高音，花腔分別係跳脫啲，好似白靈鳥，（你哋會比併？）可以合作，想同佢一齊玩。」海兒準備出歌，她都有聽過並予以鼓勵。 《中４》已進行錄製，溦溦讚今年的平均水準是歴屆最高，她說有選手一開聲唱，不禁「嘩」了聲被嚇倒，其中一集有選手唱完，她忍不住跳出來變「導師」教幾招：「我係好鍾意個選手，佢副歌唱得唔靚，忍不住即刻糾正、調校，希望佢不再犯錯。」近來唱歌比賽五花八門，好像最新挑戰音準的節目《唱錢》，溦溦表示有朋友慫恿她去參加：「點解唔搵我？有錢唔畀我賺，我都想分10萬蚊。」覺得很有娛樂性，應該很好玩。另外，內地廣電總局點名禁用「3類劣迹藝人」，經常到內地開唱的她，認為藝人首要管好言行舉止，給年輕人做好榜樣很重要，她說：「享受台前光環，就要承受背後嘅嘢。」