湯告魯斯驚喜現身舊拍檔新片 撞正前緋聞女友拖仔勁尷尬

荷里活男星湯告魯斯（Tom Cruise）上月被爆與古巴影星女友Ana de Armas分手，不過「靚佬湯」冇因此而影響心情，他周三（5日）驚喜現身舊拍檔Glen Powell的新片《逃亡遊戲》（The Running Man）於英國倫敦舉行的首映禮。不過卻撞正另一舊拍檔兼前緋聞女友Hayley Atwell拖未婚夫Ned Wolfgang Kelly出席，認真尷尬！ 事後「靚佬湯」亦有於社交網分享他捧Glen場的照片，照片中他與Glen以及片中幾位演員拎住爆谷的合照，他更留言為影片宣傳：「又係一個同朋友們一齊睇電影嘅精彩夜晚！你哋太勁，恭喜！我笑個不停，緊張得坐立不安，同埋食咗太多爆谷。」 查實今次已非首次「靚佬湯」捧Glen場出席對方的首映禮，去年他亦有出席對方作品《龍捲風》（Twisters）於美國舉行的首映。