魏浚笙化身麵店伙記谷新片 票房理想會更突破

男神魏浚笙（Jeffrey）今日（15日）為主演的電影《殺手#4》宣傳，在麵店化身伙記為粉絲落單，他透露之前宣傳時變身外賣仔但被發現，故今次被罰做樓面。首次做樓面的他覺得好玩，但比想像中忙碌，落單時更發生烏龍事：「客人話要唔辣，但我以為咖喱係唔辣，好在客人冇投訴，大家都好好人。（你有冇興趣開食店？）我鍾意食，但開餐廳又係另一樣嘢，要考慮好多因素。」至於會否以其他更出位方式為電影宣傳？他笑言今次已很破格，不過一切視乎票房而決定，若票房理想可以再突破。講到即將舉行的樂壇頒獎禮，他坦言對獎項沒有信心，認為有獎當然開心，沒獎也沒有所謂，最開心是做到自己想做的事，並期待在頒獎禮上見到同行好友。