冷艷泰模 性感撩人

講到性感撩人，泰國模特兒嘅表現向來唔會令人失望，好似今日同大家見面嘅Suchada Saetia，係典型外冷內熱嘅長髮美女，衣着勁少布不在話下，仲會喺鏡頭前擺出極具挑逗性嘅甫士，難怪有咁多男士成為佢嘅裙下之臣！ 一見傾心 家陣泰國女模界可以話係人才輩出，想要喺激烈競爭中脫穎而出，確係有啲難度，除咗着少啲布，仲要喺賣弄性感嘅過程中，流露出獨特氣質，而出生於泰國曼谷嘅Suchada Saetia就完全做到呢一點，成功畀到人一份驚艷嘅感覺。先由顏值講起，留有一把烏黑長髮嘅佢，個樣有啲似混血兒，五官標致，相當上鏡，氣質冷艷。身材方面，阿妹唔算好大波，但着起泳衣同內衣嗰陣，一樣見到事業線，加埋腰夠幼、籮夠翹，線條美盡現，最緊要係佢唔介意行性感，令人一見傾心，所以入行以來，人氣愈來愈勁。 態度專業 查實Suchada Saetia嘅性格一啲都唔Cool，反而係活潑又親切，仲好鍾意講爛Gag添！另外，佢好有專業精神，喺拍攝過程中會盡力配合攝影師要求，唔會詐型，相當抵讚。試過有一次要着住比堅尼喺戶外泳池拍寫真，突然氣溫驟降，但佢見到陽光仲係好好，寧願捱凍都堅持拍攝，備受感動嘅攝影師亦冇令佢失望，成就咗一輯效果勁正嘅靚相。 阿妹嘅工作態度之所以咁認真，原因係真心熱愛模特兒呢份職業，早喺求學階段已經開始做兼職模特兒，又試過喺2023年參加模特兒選美大賽，兼打入最後10強。對於未來發展，阿妹就話希望喺模界愈做愈紅，有更多機會展現自己嘅魅力。 Profile 出生地：泰國曼谷 身高：165cm 三圍：34D-23-35 雖然Suchada Saetia只係出道短短幾年，但憑藉性感形象同專業精神，工作機會接踵而至，除咗拍寫真，仲不時喺廣告中亮相！登入阿妹嘅社交網，就可以一睹佢嘅冷艷魅力。 網址：https://www.facebook.com/Schdst