林秀怡家人患病當照顧者 負面情緒大爆發

無綫小花林秀怡（Kirby）2009年畢業於無綫電視第23期藝員訓練班，隨後簽約無綫正式入行，初期主要飾演一些路人甲角色，隨着經驗增加，近年於不少劇集中均可見她參演一角，同時亦向主持工作發展，工作逐漸增加。 Kirby昨日於社交網發文抒發心情，透露家人正努力對抗病魔，她寫道：「好吧！最近再次成為一位照顧者。（不是媽媽，媽媽很健康）媽媽都成為照顧者，希望你不要太辛苦，交給我吧。」她透露近月因為突如其來的變化，經歷了各種負面情緒：「自責，疲憊，孤單，擔心，緊張，憤怒，厭世，甚至想逃既時刻。每日逗留醫院陪伴，有時陪完直接返工，有時就可以返屋企沖個涼先出番嚟，Book到酒店就仲可以瞓兩個鐘，因為酒店海鮮價唔係成日Book，跨區照顧者呢單嘢，真係連車程都係煎熬。」 雖然身心長時間承受壓力，但Kriby選擇積極面對，因覺得事情總會過去，亦感恩身邊人的全力支持，令她可以撐得住，她説：「唔知係因為每日瞓得3個鐘定擔心到想嘔嘅唔舒服，當我發現我開始情緒超唔穩定嘅時候，好彩身邊有你哋，係你哋啊！可以畀我充電幾個鐘再番嚟努力，都多謝工作上畀我請假嘅你哋，放低咗唔少工作，都放低埋個社交平台，不過突然發現，有時喺到同大家傾下偈，都會紓緩啲。」 除了家人、工作夥伴和粉絲，男友亦是Kirby的強大支柱，男友在背後的支持，讓她可以專心應付工作，她説：「而我都愈來愈依賴身邊果位，中間嘅工作時間都需要佢陪伴，又要佢車出車入，多謝你毫無怨言既幫忙！」Kirby希望這些日子可以早日過去，可以好快笑住回望，最重要一家人身體健康。