蔡卓妍人逢喜事 狂做GYM操出蜜桃臀

女星蔡卓妍（阿Sa）身材向來纖瘦，十年如一日，最近傳撻着細她10年的健身教練Elvis，雖然如此，但她未有避嫌繼續勤力健身，昨日在社交網上載坐在健身單車上的照片，雖然着得密實，但其蜜桃臀相當突出圓渾成焦點，還有多張美食相，她配文：「如果瘦但要就住就住食好嘢vs有得食好嘢但要做我好憎做嘅運動，我嘅答案係...食咗先算啦！」她又笑言自己得了一個病：「唔郁吓就覺得自己會肥病」。網民都讚她身材正，指她得天獨厚食極唔肥：「我偶像猛食而不變豬」、「正Sa」。