Kat Soria烏國辣模 狂打擦邊球

知名女藝人一旦走去拍性感寫真，為免被人貼上太Cheap、貪錢呢類負面標籤，面對記者提問，多數會搬出一套說辭，就係為藝術而犧牲。勢估唔到，一向以性感形象示人嘅辣模Kat Soria都話自己係為咗藝術先至喺寫真演出中狂打擦邊球，信不信由你！ 體態迷人 點先為之喺寫真演出中打擦邊球，簡單啲講，即係性感尺度未去到裸露層次，敏感部位若隱若現，對好多男士嚟講，呢種畫面先至係最誘惑，令人有未夠喉嘅感覺，繼而好想睇多啲！來自烏克蘭基輔嘅Kat Soria，好識得利用呢一招嚟吸引網民嘅關注，但就否則係睇錢份上，而係希望以性感造型展示女性嘅體態美。講真阿妹嘅身材激凸，心口擁有一對36H天然巨乳，而且胸形相當誘人，加埋皮光肉滑，男人睇到流口水一啲都唔出奇！ 轉做網紅 咪以為Kat Soria淨係身材正，佢嘅學歷都好掂，擁有藝術、心理學同電影學位，又精通烏克蘭語、俄語、英語、希伯來語同德語，所以一度喺網絡媒體出任要職，後來發現網紅呢一行大有作為，決定試一試，以時尚達人身份同網民分享扮靚心得。 之不過，阿妹嘅如意算盤唔係一開始就打得響，網上人氣遲遲未見彈起，及至推出咗一條關於着絲襪嘅影片，點擊率即時爆升，令佢明白到一眾男網民嘅口味，隨即轉行性感路線，由最初只係露吓絲襪美腿，到後來換上情趣內衣，露肉程度愈來愈激，可以話係狂打擦邊球，亦因此成功吸納咗高達7位數字嘅支持者。 Profile 出生地：烏克蘭基輔 身高：162cm 三圍：36H-26-35 眼見人氣急升，Kat Soria唔止做網紅咁簡單，更成立網紅事務所，榮升女老闆。登入阿妹嘅社交帳號，就可以見識其性感魅力。 網址：https://www.instagram.com/katerina.soria