蔡一傑開腦一啲都唔怕 極速康復秘訣就係打麻雀

組合草蜢成員蔡一傑去年自揭接受切除腦部腫瘤手術，幸經過多月休養後，今年7月在陳慧嫻的內地演唱會擔任嘉賓宣布病後「復出」，又預告明年4月假紅館舉行草蜢演唱會的他，日前接受網上訪問，分享以豁達心態面對疾病。 傑仔透露手術後一度暴瘦7至8公斤，不過經調養後身體大致康復，可以大魚大肉及飲香檳。他憶起去年得知要接受開腦手術的心情：「我一啲都唔怕，將一切交畀個天，人生無常，我哋可以做嘅就係堅強接受、勇敢戰勝，每日都要開開心心。」又分享自己最有效的快樂秘訣，就是在康復期時約腳打麻雀：「輸贏唔重要，最緊要快樂指數會飆升。」