琦溫斯莉自爆被最多人認出非《鐵達尼號》的角色而是另一部電影？

若然問英國女星琦溫斯莉（Kate Winslet）演過咩電影，可能大家會即時答係《鐵達尼號》（Titanic），不過根據她所講原來事實並非如此。 50歲的琦近日受訪時表示最多人認識她並非《鐵》而是另一部浪漫愛情電影《緣份精華遊》（The Holiday）。大家都熱衷於問她有關《緣》的問題多過《鐵》。她表示自己完全沒有預期到：「曾試過有對母女喺雜貨店過嚟問我：『噢，阿琦。我哋好喜愛《緣份精華遊》，呢個係我哋聖誕節必看嘅小儀式。』佢哋每年都會邊食飯邊睇。係一個傳統，而我好鍾意佢哋咁。」 琦溫斯莉最近首次做導演，她執導的英國聖誕片《再見六月》（Goodbye June）將於本月中在影視串流平台推出。而她除了執導之外亦會參與演出，同片還有澳洲女星東妮歌麗（Toni Collette）以及英國影后海倫美雲（Helen Mirren）。