陳法拉爆家族在廣州有整條街物業 1原因未獲分配

華姐亞軍陳法拉演藝事業如日方中，在荷李活闖出名堂愈戰愈勇。家庭生活方面，與丈夫Emmanuel Straschnov於2019年在法國結婚後，育有1女1子，生活幸福美滿。原本在內地出世的她，14歲時隨家人移民美國，有指她的爺爺陳玄是著名聲樂家。 近日，陳法拉到內地為電影宣傳，自爆家族在廣州有物業，更擁有一條街。訪問片中，陳法拉自爆：「其實我屋企有人係廣州人，有屋喺廣州㗎！」她還透露她的嫲嫲祖籍番禺，是廣州人。她說：「我哋有啲屋喺市中心，唔知喺邊度，後尾就唔知去咗邊。其他啲親戚就分咗佢，好似有一條街就畀啲親戚分咗，分咗好多單位畀佢哋，就冇通知我哋，係我嫲嫲同佢阿哥兩個人。（同佢哋好少來往？）唔知點樣搵到佢哋。」不過有網民就認為陳法拉這個講法有些離奇，指是無從考證的遠房家事，嫲嫲和舅公的家產也不會分到給她。