Jer尾場繼續默哀 病倒做齊刮痧針灸拔罐救靚聲

男團MIRROR成員柳應廷（Jer）假亞洲博覽館舉行一連兩場「The Shape of Breathing Live 2025」演唱會昨晚（1日）舉行尾場，圈中好友包括毛舜筠、許廷鏗、邱士縉與女友李炘頤及陳健安等亦有前來捧場。跟頭場一樣，開場前Jer先聯同演出團隊進行默哀儀式，眾人穿上黑色素服，悼念大埔宏福苑大火中不幸喪生的居民。默哀完畢後，Jer唱出《呼吸之間》，他說：「呢段時間好唔容易，希望大家能夠手牽手走過呢段艱難時刻，亦能夠放鬆去享受呢個音樂會。」 雖然頂着感冒，但Jer依然落足心機演出。尾場請來了樂隊RubberBand擔任嘉賓，主音6號（繆浩昌）先跟Jer合唱出《發現號》，唱畢Jer即興奮説：「Oh my god！RubberBand係我由細聽到大，所以超級開心！今次除咗邀請佢哋演出，仲搵咗佢哋創作咗演唱會主題曲《今繼》，聽到Demo已經覺得好好聽，一定要做演唱會主題曲！」6號亦多謝Jer的邀請，表示會留在後台欣賞Jer獻唱這歌，他說：「因為依家好需要歌嘅力量，感謝你將呢首歌帶畀大家，我要再三多謝，RubberBand都係一個好微小做音樂嘅單位，喺艱難時間，希望我哋可以繼續謹守自己崗位，用音樂陪大家走每一段路。」隨後他們即合唱出《逆流之歌》。 來到尾場，Jer亦「賣大飽」來個二度Encore，Jer 坦言一直思考如何用歌總結這7年，他説：「我係一個好鍾意唱歌嘅人，除咗唱歌之外，其他好多嘢都唔識。」之後他便邀請今次音樂會樂隊成員吳林峰一起合唱，直言二人出身相似，故希望與他分享舞台，吳林峰則表示作為朋友能見證Jer走不同的路十分高興：「作為寫歌，將歌交畀佢好放心、作為兄弟、喺佢兩次個人騷喺背後撐住他，好窩心！」之後二人即合唱《豆鼓》，為演唱會畫上完美句號。 Jer騷後受訪時要先飲水並仍有咳嗽，問到對今次演出是否滿意？他坦言身體狀態不似預期好，但見歌迷睇騷後都充滿正能量，因此也感滿意：「頭一晚要掛住兩行鼻水唱歌，今晚都要靠藥物將鼻水壓住，同埋我啲歌比較難唱。」他又展示手臂上有紅了的位置，表示騷前做了刮痧：「可以話用盡所有方法，針灸、拔罐，所有對聲線有幫助嘅都做晒！」提到因應大埔宏福苑5級大火，不少演唱會都有作出調整甚至取消，Jer表示今次演出亦有所調整，包括在歌單、流程、服裝及騷前的默哀儀式，最重要是以入場觀眾的感受與反應為主，希望陪大家走過艱難的時間，讓大家可以好好抒發心情，坦言在火災發生一刻，知道事情嚴重，自己也很不開心，曾想過演唱會未必開得成，跟公司商量後，希望演唱會可以帶給畀大家力量，因此決定繼續開騷。 談到除了演唱會調整外，MIRROR日前亦退出了MAMA演出，Jer坦言感到可惜，並指MIRROR事前也曾忙於準備，他說：「因為同時要準備今次演唱會，所以我一日走4場，朝早9點到夜晚12點！係遺憾，但有遺憾未必係壞事。」他透露完成今次演出後會先放假休息，之後會跟MIRROR隊友準備稍後舉行的澳門跨年倒數演唱會，暫時未收到消息演出會有調整。