沒有她就沒有「教父」 戴安姬頓如何令阿爾柏仙奴獲取錄？

美國老牌女星戴安姬頓（Diane Keaton）上月因肺炎離世，享年79歲。她的一生演過冇數角色，她於經典之作《教父》（The Godfather）中飾演的Kay是其中一個最具代表性的角色。據戴安多年前的訪問中揭露原來當年《教》監製均不願意cast阿爾柏仙奴（Al Pacino）擔任男主角飾演「教父接班人」米高古良年（Michael Corleone）一角。 戴安姬頓多年前接受美國娛樂電視新聞節目《荷里活ET》（Entertainment Tonight）訪問時曾爆料，當時她說：「冇人想用阿爾柏仙奴。佢哋唔想用佢飾演那個角色（米高），而我當時已被取錄。我喺阿爾柏仙奴之前已獲選！係咪好古怪？」戴安笑言阿爾全靠她才獲取錄，她說：「我當時企喺度，而佢哋就帶咗佢（阿爾）嚟喺監製們面前同我做對手戲試鏡，之後佢哋就請咗佢。信唔信由你？佢之前試過鏡，但佢哋就唔要佢。試想下冇咗阿爾柏仙奴《教父》會變成點？」《教父》除了令阿爾成為影壇大紅人之外，亦為他與戴安結下良緣。戴安死後，阿爾曾被指後悔沒有與她結婚。