菊梓喬認戀愛腦 面對渣男冇反抗力

歌手菊梓喬（Hana）早前被爆在台山唱酒吧騷後，再有內地網友分享她於中山另一間酒吧演出的短片，不過今次舞台設計較「傳統」，酒吧的舞台並非如台山場的設在酒吧中間位置，而貼近牆的一邊，故她只需要面向台前三面的觀眾，兼且舞台和觀眾席有段小距離，令她可專心唱歌，不用再兼顧要握手冧客，她在台上唱了劇集歌《忘記我自己》及《別再怕》等，令人聽出耳油。 另外，她又接受內地網紅訪問時大談愛情觀，直認自己是戀愛腦：「全戀愛腦，嚴重，直頭係癱咗嘅腦，（係咪之後就清醒？）唔會反擊，已經去到冇底線，（覺得渣男有咩特質？）風趣幽默、因為咁樣先可以吸人注意，同埋靚仔同樣衰跟渣男冇關係，仲有好窮同好有錢都係渣嘅。」 Hana自認最大的致命弊病是幻想男友為心目中的完美情人，分享曾被渣男「任用」的經歷，指前度家中沒有女傭，兩人同居時被當作「免費姐姐」，她謂：「佢屋企人叫我洗廁所，倒垃圾、買嘢，乜都係我做晒，全部我都係Yes，我以為咁樣先叫做賢內助，可以做到佢老婆，但其實唔係囉。」所以如上天要她在「搵男人」定「搵錢」中二揀一，她必定覺得搵銀最實際。