櫻桃子 黃金比例不倒胸

好多女仔一聽到個「肥」字都會勁敏感，搏晒命要搣漏呢個標籤，但又減到過晒龍，連對波亦縮埋水，可以話係得不償失！今日為大家介紹嘅寫真界萌妹櫻桃子，早排都努力收身，但就出奇地做到瘦人唔瘦波，真係唔到你唔服！ H奶夠睇頭 近幾年日本寫真界多咗唔少「舞女」，大家千祈咪誤會，唔係講緊喺夜店搵食嗰種，而係指舞蹈表演團體嘅成員，其中ENA、HARUKA同AOI都係隸屬CYBERJAPAN，而今日嘅主角櫻桃子則來自Burlesque Tokyo。 現年25歲嘅桃子，面圓圓，眼大大，個樣望落都幾親切，同藝名一樣，令人產生甜絲絲嘅感覺！身材方面，心口有一對又大又圓嘅H奶，質感天然，極富彈性，好似兩個剛剛成熟嘅水蜜桃，睇到人流晒口水！更難得嘅係，阿妹喺近期減肥成功，條腰幼咗之餘，對波一啲都冇細到，難怪佢聲稱自己嘅身材已達到心目中嘅黃金比例。 瘦身靠3招 講起上嚟，櫻桃子一向好動，由細到大都咁鍾意跳舞，曾經諗過入讀一家體育大學，主修舞蹈，可惜因爸爸反對，只好作罷，但就立志要成為舞蹈員。為咗追夢，阿妹透過做速遞員賺外快，當儲夠錢之後，即隻身搬到東京居住，並成功加入知名舞蹈表演場地Burlesque Tokyo嘅駐場舞團，繼而進軍寫真界！早前佢決定加入美少女組合Toi Toi Toi，以藝能偶像身份同大家見面，喺舞台上展示自己嘅才華。 為咗以最佳狀態示人，桃子好努力Keep Fit，效果亦相當好。佢話要成功收身，主要靠3招，第一係做多啲運動，第二係改善夜瞓習慣，第三係自己煮飯，藉此控制鹽同油嘅吸收。若然你都有意減肥，不妨參考佢嘅做法。 近期櫻桃子又有新嘅寫真作品推出，登入其社交網，就會知道佢搞緊乜嘢宣傳活動，仲可以第一時間得悉美少女組合Toi Toi Toi嘅登台消息呢！ 網址：https://x.com/momo_ttt0401 Profile 出生地：日本 身高：152cm 三圍：35H-23-34