「大騎樓」郭珮文步步進擊 色誘丁子朗勁尷尬

無綫「咪神」郭珮文最近拍攝的內地短劇《為何她們愛上我》有吸睛演出，引起網民注視。她繼被綁起狂潑水受虐待，濕身誘惑的戲曝光後，劇中更有主動出擊的色誘場面。作性感打扮的她借故引誘丁子朗，面對咪神的近跟距離進攻，雖然他也顯得硬晒軚，不知所措，左閃右避，擺脫性感尤物的進擊，相當君子。有網民則取笑丁子朗是「大嘥鬼」，相當搞笑。 首次拍攝色誘戲的郭珮文受訪坦言感到尷尬，最初也不知道怎麼演繹，要導演指導，她說：「因為呢場戲係初期拍，初時同丁子朗唔熟，所以都有少少尷尬同埋唔自然，如果呢場戲後啲拍就唔使啃大家咁多時間，可以演得自然啲。」 外表戰鬥格的郭珮文則自嘲是鵪鶉性格，她笑說：「我覺得呢啲角色，自信啲嘅人會容易做啲，我呢啲鵪鶉就有少少難度，但係都係好特別嘅嘗試，學到嘢，下次再遇到呢啲角色就識得點做。」丁子朗劇中除了要頂住郭珮文的誘惑，更要面對多位美女的進擊，認真艷福無邊，他指拍攝時最難忍的，就是要忍笑：「拍嘅時候其實好搞笑，因為故事係隔空咗，跌咗入遊戲世界入邊，佢哋全部都係虛幻人物嚟嘅，所以所有嘢都好誇張，大家都要忍笑。」