金晨黃景瑜腳疊腳成爭議 到底係炒CP定真情侶？

內地男神黃景瑜一向大隻靚仔，近年佢就同「頂流女星」迪麗熱巴傳緋聞，估唔到佢疑似已經「換畫」，於綜藝《現在就出發3》最新一集中，因鏡頭錯位引發「金晨將腿搭在黃景瑜腿上」爭議畫面，成為輿論焦點，登上熱搜。 此爭議源自於節目聚餐環節中，疑拍攝角度問題，金晨蹺腳動作同黃景瑜腿部位置重疊，被部分觀眾誤讀為「親密搭腿」。全景鏡頭顯示兩人實際無肢體接觸，原來腳疊腳只係視覺誤差。同時，節目組疑有心為二人組CP，剪輯強化曖昧氛圍，例如藝人沈騰時不時爆出一句「別演浪漫情景劇」、同食一杯雪糕等片段，被質疑刻意製造「工業糖精」話題。 有二人CP粉一終少理，列舉兩人多個互動細節，如黃景瑜為金晨間圍裙、遞熱牛奶、車內換座等「雙標」照顧，加上沈騰等嘉賓的調侃被解讀為「知情者認證」，兩人互動亦自然、放鬆。 不過有內地傳媒就忽然跳出嚟「澄清」，指「黃景瑜金晨肯定沒談」，並稱黃景瑜有長期交往嘅素人女友，惟對方未提供女方清晰證據。而金晨工作室以前對緋聞一貫快速闢謠，黃景瑜方則表示「不回應私生活」，雖然戀情可信度唔高，但粉絲仍大讚金晨「異性緣佳但有分寸感」。