汪明荃化身「梁舜燕」 與阮浩棕上演北非嫲孫情

無綫綜藝節目《帶阿姐看世界》中，汪明荃與阮浩棕暢遊北非摩洛哥行程中的最後的互送禮物環節，Liza與製作組偷偷地為阮浩棕製作了一條他與嫲嫲梁舜燕暢遊摩洛哥的AI旅行短片，還附帶一番感人的話：「你成日話遺憾冇帶嫲嫲一齊去旅行，我依家畀個機會你同佢去旅行」、「我哋特別做咗條片，希望你留意嫲嫲講咗啲咩。」 片段中，Liza化身「梁舜燕」、與阮浩棕在不同景點打卡，AI短片中、還出現了梁舜燕的聲音：「好開心，I Love You」，相當感人。而出名孝順的阮浩棕，看完影片後哭成淚人， Liza見狀即憐惜地鼓勵他，相當有愛：「我代表佢鼓勵你，加油」、「你依家只係十年，十年只係一個開始啫，希望你更加成長，將你嫲嫲嘅精神發揚光大啦。」 實際感性又仁愛的 Liza，還透露接拍《帶阿姐看世界》的真正目的，是希望鼓勵「老友記」多點外出走走，開闊眼界：「我想透過呢個節目，鼓勵啲長者，有啲地方未睇過嘅、好珍貴嘅，就要同啲仔仔女女、孫呀帶埋佢哋（一齊去），會好開心，同埋可以增進了解。」 阮浩棕聞言和應確是回憶及得益滿滿：「真係會知道長輩更多人生經驗、同一啲佢哋身上發生過嘅事。」阮浩棕整個拍攝行程，最被震撼到的是 Liza的專業精神：「阿姐（ Liza）你真係好勁，因為今次我哋成個旅程真係好熱啦，然後好多好多車程，都會擔心阿姐你應唔應付到，但你嘅敬業樂業，令你真係頂到落去。」 Liza聞言則淡然回應：「我應承咗做嘅嘢一定要完成嘅，同埋做咗呢行咁耐，你知道你 Hea 啲又係要拍，認真都要拍，不如做好佢啦，係一定要做好佢。因為咁難得嚟到呢度，咁多人力物力去做一個節目，我諗啲觀眾都會感受到我哋嘅誠意嘅。」 第三站不丹行程，汪明荃和老公羅家英全程耍花槍，單是買手信行程，已盡展二人默契。事緣汪明荃看中了一隻極富不丹民族色彩、但價錢不算便宜的水杯問家英意見，家英「諗都唔諗」即叫汪明荃買回家；雖然她堅持自己畀錢，但家英卻豪氣謂：「我畀咗你，袋住喺你度架」、「我點解將啲錢畀你袋住呢？都知你今日買嘢架喇，叫自動獻『薪』。你鍾意邊隻攞邊隻啦！」說畢更向鏡頭自豪問道：「我係咪一個好合格嘅老公哩？」阿姐見狀即搞笑窒住晒家英：「有鏡頭喺度佢講啫。」事後更獨自向製作組爆料指家英其實意見多多：「有時我揀嘅嘢唔係佢揀架嘛，佢就會覺得唔值，多多聲氣就唔係咁好啦。」 除了鏡頭前耍足花槍又恩愛到暈，阿姐與家英鏡頭背後亦是真‧恩愛！製 作組留意到，二人無論上飛機、落飛機、出門口、上山下海、遊山玩水，都一定 會拖到實一實；就算坐低傾偈、家英仍然捉實汪明荃手仔，而且上車落車又會搞 笑地向「太后請安」，恩愛度好比熱戀情侶。